Ang gugma sa Ginoo libre ug walay bayad
Sama sa bulawan nga mahal ug kantidad
Kon si Jesus imong dawaton
diha sa kasingkasing siya pasudlon
dili ka gayud magmahay
kay imong kinabuhi himoon niyang haruhay
ayaw kabalaka sa imong problema
kay dili na makadugang sa imong kagwapo o kagwapa
maayo pa nga ikaw mag-ampo
aron inigkabuntag ang kalinaw imong mapupo.
sa imong kinabuhi ikaw nag-antus
kana tungod kay gisalikway mo ang gugma nga tim-os
baliki ug tan-aw ang imong kagahapon
tingali may sayop ka nga pwede pang insaktohon
ayaw pagmakuli sa pagbuhat sa matarong
kay diha niana may maayo kang kaugmaon
higala ako ug ikaw pareho may gisagubang
buntag udto hapon ug sa adlaw nga tanan
apan niining tanan dili nato malalis
nga ang Dios makasapwang kanato sa mga bukton niyang mahamis
busa karon ang pinakamaayo tang buhaton
mao nga itugbaw ang tingog sa pagdayeg nga maamyon
gugmang niyang tim-os sa kasingkasing paharion
aron maangkon ta ang kinabuhi madagayaon...
Walang komento:
Mag-post ng isang Komento